خەلقئارا لىنىيە تورى خەۋىرى:ئەنگلىيە «كۈندىلىك پوچتا گېزىتى» نىڭ 28-سېنتەبىر خەۋەر قىلىشىچە، بۇلغارىيىنىڭ شەرقىي شىمالىي قىسمىدىكى ۋارنا شەھىرىدىكى يېڭى بۇلغارىيە پارتىيىسى تۈنۈگۈن بىز ئېشەكنى بۇ پارتىيىنىڭ شەھەر باشلىقى نامزاتى قىلدى. ئۇلارنىڭ ئېشەكنى شەھەر باشلىقى نامزاتى قىلىشىنىڭ سەۋەبى بولسا، ئېشەك ھۇرۇنلۇق قىلمايدۇ، يالغان ئېيتىشنى بىلمەيدۇ، ئۇنىڭ ئۈستىگە قاتتىق تىرىشىپ ئىشلەيدۇ.
     خەۋەر قىلىنىشىچە، بۇ ئېشەكنى ئىسمى ماركو بولۇپ، يېڭى بۇلغارىيە بۇ ئېشەكنى ۋەكىل قىلىپ مۇنداق ۋەدە بەرگەن: بۇ پارتىيە سىياسىي ھاياتىنى باشلىغاندىن كېيىن، تىرىشىپ ئىشلەيدۇ، ھۇرۇنلۇق قىلمايدۇ، ئۆزىنىڭ پرىنسىپلىرىدا چىق تۇرىدۇ.بۇ ئېشەكنى شۇ يەرلىك كىشىلەر تاللاپ بەرگەن بولۇپ، چۈنكى شۇ يەرلىك كىشىلەر ھازىرقى شەھەر باشلىقى كىرىل. يوردھنوۋنىڭ خىزمىتىدىن نارازى ئىكەن.
      ماركونىڭ سايلام مەسئۇلى ئەنجىل. دىيانكوۋ مۇنداق دېدى:« باشقا شەھەر باشلىقلىق نامزاتى ۋە سىياسىي پارتىيىلەرگە قارىغاندا، ماركونىڭ ناھايىتى كۈچلۈك خاراكتېرى ئەۋزەللىكى بار. چۈنكى ماركو يالغان ئېيتمايدۇ، ئوغرىلىقچە ئاڭلىمايدۇ. ھەمدە تىرىشىپ ئىشلەيدۇ».
     يوردانوۋ بولسا بۇلغارىيىنىڭ ھاكىمىيەت بېشىدىكى پارتىيىسى ياۋروپا تەرەققىيات پارتىيىسىنىڭ شەھەر باشلىقى نامزاتى بولۇپ، ئۇ ئېشەكنىڭ ئۆزىنىڭ رىقابەتچىسى بولۇشىنى رەت قىلدى. چۈنكى بۇنداق قىلىش ئۇنىڭغا بولغان ھۆرمەتسىزلىك ئىكەن. بۇ ئىشقا نىسبەتەن دەنكوف مۇنداق دېدى:« يوردانوۋنىڭ قىلغىنى توغرا. ماركو مۇشۇنداق بىر سىياسىي رەزىللىك بىلەن بىللە سەھنىدىن بەھرىمەن بولسا، ئۇمۇ مۇشۇنداق ھېسسىياتتا بولىدۇ. ھەرقانداق بىر ۋىجدانلىق ئېشەك ئۈچۈن ئېيتقاندا، بۇ بىر غۇرۇرىنى دەپسەندە قىلغانلىق بولىدۇ».
     بۇنىڭدىن باشقا نامزاتلارنىڭ ئېيتىشىچە، ماركونىڭ بۇنىڭدىن كېيىنكى تۇرمۇشى تېخىمۇ قىيىن بولۇشى مۇمكىن ئىكەن. چۈنكى ۋارنانىڭ يايلىقى بارغانسېرى چېكىنىۋاتقان ئىكەن.