سۇمرۇغ تورى خەۋىرى، بۇ رەسىم تاڭ شۇ جىننىڭ 39 يىلدىن بۇيانقى تۇنجى قېتىم مۈرىسىگە كەلگەن چېچىنى تاقىر باشقا ئايلانغان ھالىتى. ئۇ بېشىدىكى بىر پارچە تىرە ھازىر ئۇنىڭغا تەۋە ئەمەس، چۈنكى ئۇ بۇ ئارقىلىق ئەمدىلا 20 ياشقا كىرگەن ئوغلىنىڭ ھايتىنى ساقلاپ قالماقچى.
ئۇ تۈنۈگۈن چۈشتىن بۇرۇن، غەربىي جەنۇپ دوختۇرخانىسىنىڭ كۆيۈك بۆلۈمىنىڭ ئىككىنچى قەۋىتىدىكى ياتاق ئۆيىدە بىر ئەنسىزلىك ئىچىدە ئوپراتسىيەنى كۈتۈۋاتاتتى. ئۇنىڭ كۆز چاناقلىرى لىقلا ياشقا تولغان بولۇپ، ئۇ پەس ئاۋازدا مۇنداق دەيىتتى:«ئوبدان، ئوغلۇم، ئاپاڭ سېنى ھازىرلا قۇتقۇزۇۋالىدۇ».
ئۇ بەلكىم ئۆزىنىڭ بۇ ياشقا كىرگەندە بۇ خىل ئۇسۇل ئارقىلىق ئۆز ئاغلىنىڭ ھاياتىنى ساقلاپ قالماقچى بولغانلىقىنى ئويلاپمۇ باقمىغانىدى. تاڭ شۇ جىننىڭ ئوغلى 9-ئاينىڭ 26-كۈنى سىچۈەن زىياڭدىكى بىر پولات-تۈمۈر زاۋۇتىغا ئىشقا بارىدۇ. تاڭ شۇ جىننىڭ ئييتىشىچە، ئۇنىڭ ئوغلى تولۇقسىز ئوتتورا مەكتەپنى پۈتتۈرۈپلا ئوقۇمىغان. ئۇ يىل ئاران 20 ياشقا كىرگەن بولۇپ، ئۇ كەسىپكە ناھايىتى پىششىق ئىكەن.
تاڭ شۇ جىننىڭ ئېيتىشىچە، شۇ كۈنى ئوغلى مەزكۇر زاۋۇتتا قونۇپ قالىدۇ. ەتتىگەن سائەت 4:00 دە مەزكۇر پولات-تۈمۈر زاۋۇتىنىڭ پار قازىنىنىڭ بۇرما مېخى بوشاپ كەتكەن بولۇپ، ناھايىتى يۇقىرى تېمپىراتۇرلۇق پار قازاندىكى سۇ دېتى ئېقىپ سىرتقا چىقىپ كېتىدۇ. شۇنىڭ بىلەن سۇ دېتى ئۇنىڭ ئوغلى فىي ياڭ ۋە ۋە تاڭ شۇ جىننىڭ ئالدىنقى ئېرىنى ناھايتىى ئېغىر دەرىجىدە كۈيدۈرۋېتىدۇ.


 

بىچارە فىيياڭ كۈيۈپ كۆمۈردەك بولۇپ كېتىدۇ. ئۇنى ھەتتا ئاپىسىنى تونۇيالماي قالىدۇ. ئۇ دوختۇرخانىغا ئېلىپ بېرىلغاندىىن كېيىن، دوختۇرلار ئۇنىڭ يارىسىنىڭ ناھايىتى ئېغىر ئىكەنلىكىنى، شۇڭلاشقا، ئۇنى دەرھال تېخىمۇ ياخشىراق دوختۇرخانىغا يۆتكەش كېرەكلىكىنى ئېيتىدۇ. شۇنىڭ بىلەن، شۇ كۈنى چۈشتىن بۇرۇن سائەت 11:00 دە يارىلانغان ئاتا-بالا غەربىي جەنۇپ دوختۇرخانىسىغا يۆتكىلىدۇ.
تاڭ شۇ جىننىڭ ئىېيتىشىچە، ۋەقە يۈز بېرىشتىن بۇرۇن، ئۇنىڭ كۆڭلى بىر شۇملۇقنى تۇيۇپ تۇرغانىكەن. خۇددى ئوغلىغا بىر ئشى بولىدىغاندەك ھېس قىلىپ قالغانىكەن. ئۇ تېخى شۇ كۈنى ئوغلىغا ئالاھىدە تېلىفۇن قىلىپ، بىخەتەرلىككە ئالاھىدە دىققەت قىلىش كېرەكلىكىنى ئېيتقان، ئەمما فىيياڭ ئاپىسىنىڭ بۇ گېپىگە ئانچە ئېرەن سېلىپ كەتمىگەن. ۋەقە يۈز بەرگەندىن كېيىن، ئۇ چۇڭچىڭغا كېلىپ، ئۆز ئوغلىنى تۇنۇيالماي قالغان.
تۈنۈگۈن چۈشتىن كېيىن، دوختۇرلار ئوڭۇشلۇق ھالدا تاڭ شۇ جىننىڭ باش قىسمىدىن تەخمىنەن ئۇنىڭ پۈتۈن تېرىلىرىنىڭ %3 گە باراۋەر كېلىدىغان تېرىنى كېسىپ ئالغان. مەزكۇر دوختۇرخانىدىكى پروفېسسور پېڭ يى جىنىڭ مۇخبىرىغا ئېيتىشىچە، نۆۋەتتە فىيياڭنىڭ كۆيۈك يارىسى ناھايىتى ئېغىر ئىكەن، ئۇنىڭ كۆيۈك يارىسى پۈتۈن بەدىنىنىڭ %97 تىنى ئىگىلەيدىكەن. ھەتتا ئۇنىڭ بىر يۈزى پۈتۈنلەي كۆيۈپ كەتكەن. ئۇنىڭ ھاياتىغا ھەر ھالدا خەۋپ يېتىش ئېھتىماللىقى بار ئىكەن. بۇ خىل كۆيۈككە تىرە كۆچۈرۈش ئوپېراتسىيىسىنى مەزكۇر دوختۇرخانا تۇنجى قېتىم قىلغان بولۇپ، ئۇنىڭ قېيىنلىق دەرىجىسى ناھايىتى يۇقىرى ئىكەن ھەمدە ئۇ يەنە بىر نەچچە باسقۇچتىن كېيىن ئاندىن تاماملىنىدىكەن.