[ئامېرىكا «نيۇ يورك ۋاقىت گېزىتى»نىڭ 27-سېنتەبىر ماقالىسى] پۇتىن رۇسىيەنىڭ زۇڭتۇڭلۇق تەختىگە قايتا چىقماقچى بولۇۋاتىدۇ، غەربنىڭ رۇسىيە ۋەزىيىتىنى كۆزەتكۈچىلىرى بۇنىڭغا ھەيران قالمىدى. مېدۋېدېۋ باشتىن-ئاخىر پۇتىننىڭ ھىمايىچىسى بولدى. پۇتىننىڭ قوللىشى بولمىسا، شۈبھىسىزكى ھېچقانداق مۇھىم قارار چىقىرىلمايدۇ. بۇ يېڭى «ھۇجۇم خاراكتېرىدىكى ئىستراتېگىيەلىك قوراللارنى ئازايتىش ۋە چەكلەش شەرتنامىسى»نى ئىمزالاش، ئافغانىستاندا ش ئا ئە ت بىلەن ھەمكارلىقنى قانات يايدۇرۇش ھەم ب د ت نى قوللاپ، ئىراننى جازالاش قاتارلىقلارنىمۇ ئۆز ئىچىگە ئالىدۇ. بۇ ئىشلار پۇتىننىڭ ھوقۇقنى قايتا قولغا ئېلىپ، ئامېرىكا-رۇسىيە مۇناسىۋىتىنى بۇزغۇنچىلىققا ئۇچراتماسلىققا كاپالەتلىك قىلىشىنىڭ مۇھىم نەتىجىسى.
    لېكىن، رۇسىيەنىڭ غەرب دۆلەتلىرى بىلەن بولغان مۇناسىۋىتىدە ئۆزگىرىش بولۇشىدىن ساقلانغىلى بولمايدۇ. ئالدى بىلەن پۇتىن مېدۋېدېۋ بىلەن زۇڭتۇڭ ئوباما قۇرغان دوستانە مۇناسىۋەتنى ساقلاپ قالالمايدۇ. بۇ مۇناسىۋەتنىڭ ئاساسى ئىككى رەھبەرنىڭ ئادۋوكات بولغانلىقىدىن ئىبارەت ئوخشاش ئارقا كۆرۈنۈشى بولغانلىقى ھەم ئۇلارنىڭ يېڭى تېخنىكىنى قوبۇل قىلىشتىكى پوزىتسىيەسى ۋە ئۇلارنىڭ زامانىۋى دۇنيا قاراشقا ئىگە بولغانلىقىدا.
    ئوباما بىلەن مېدۋېدېۋ ئىككى تەرەپ زۇڭتۇڭ كومىتېتىنى قۇردى، بۇ كومىتېت ئامېرىكا بىلەن رۇسىيەنىڭ تېررورلۇققا قارشى تۇرۇش ۋە داۋالاش قاتارلىق ساھەلەردىكى ھەمكارلىقىنى ئىلگىرى سۈرۈشكە مەسئۇل بولدى. بۇ كومىتېت تەسىرگە ئۇچرىشى مۇمكىن. بىر پۈتۈن مۇناسىۋەتنىڭ مۇكەممەل تۈزۈملەشمەسلىكى رۇسىيە ئەمەلدارلىرىنىڭ شەخسىي ئەھمىيەت بېرىش دەرىجىسىگە باغلىق. ئەگەر پۇتىننىڭ كۆرسەتمىسى بولمىسا، رۇسىيە ئەمەلدارلىرى ھېچقانداق ھەرىكەت قوللانماسلىققا مەجبۇر بولۇشى ھەتتا تەڭشەش جەريانىدا بىراقلا ۋەزىپىسىدىن قالدۇرۇلۇشى مۇمكىن.
    پۇتىننىڭ دۆلەتنىڭ خەۋپسىزلىك ئاپپاراتلىرىدا 20 يىل خىزمەت قىلغىنىنى ھېسابلىغاندا، ئۇ باشتىن-ئاخىر دۆلەت ھاكىمىيەت ئاپپاراتلىرىدا خىزمەت قىلىۋاتىدۇ، لېكىن ئۇ كىچىكىدىنلا كارخانىچى بولۇپ، سودىگەرلەرگە ئوخشاش مەنپەئەتكە ئەھمىيەت بېرىدۇ. بۇ ئەھۋال رۇسىيەدە تىجارەت قىلىۋاتقان غەربنىڭ كارخانىلىرىنى خاتىرجەم قىلىدۇ، ئۇلار بۇ دۆلەت بىلەن بولغان سودىنى داۋاملاشتۇرالايدۇ، شۇنداقلا ياۋروپا ۋە ئامېرىكا بىلەن يېڭى كەسىپنى ئېچىش رۇسىيەنىڭ مەنپەئەتىگە ماس كېلىدۇ. سودا مۇناسىۋىتىنى كېڭەيتىشنىڭ كېيىنكى مۇھىم نىشانى رۇسىيەنىڭ دۇنيا سودا تەشكىلاتىغا كىرىشىنى ئەڭ تېز بولغاندا بۇ يىل دىكابېردا ئىشقا ئاشۇرۇش.
    دۆلەت ئىچىدە، پۇتىن قاش بىلەن كىرپىك ئارىسىدىكى خامچوت كىرىزىسىگە دۈچ كەلدى. نوپۇسنىڭ قېرىلىشىشى ھەم نېفىت گازىنى ئىشلەپچىقىرىش مىقدارى مۇقىملىشىش مەزگىلىگە كىرىشىگە ئەگىشىپ، ھۆكۈمەت ياشانغاندا كۈتۈنۈش سۇغۇرتىسىنى داۋاملىق تارقىتىشقا ئىلاجىسىز قالدى، ئۈزلۈكسىز ئېشىۋاتقان داۋالىنىش ئېھتىياجىنى قاندۇرالمىدى، ياكى نوپۇسى كۈندىن-كۈنگە ئازىيىۋاتقان رايونلاردىكى ئۇزاق يىل رېمونتسىز قالغان ئۇل ئەسلىھە قۇرۇلۇشىغا مەبلەغ سالدى.
    بەلكىم، پۇتىن رۇسىيەنىڭ ئېنېرگىيە مەنبەلىرىنى ئېچىش ۋە ئېكسپورت قىلىشنى ئاساس قىلغان ھازىرقى ئىقتىسادىي ئەندىزىنى پۈتۈن كۈچى بىلەن ساقلاپ قالغان بولسىمۇ، مېدۋېدېۋنىڭ رۇسىيەنىڭ پەن تەتقىقات ۋە ياساش كەسپىي تارماقلىرىنىڭ زامانىۋىلىشىشىنى ئەمەلگە ئاشۇرۇشتىكى نۇرغۇن ئىدىيەلىرىنى قوللىنىشقا مەجبۇر بولدى. 
    ھوقۇق پۇتىندىن مېدۋېدېۋغا ئاندىن مېدۋېدېۋدىن پۇتىنغا قايتىپ كەلدى. ھوقۇقنىڭ بۇنداق ئالمىشىشى مەخپىي بېكىتىلدى. رەسمىي ھوقۇقنىڭ ئۆتكۈزۈپ بېرىلىشىمۇ ئوخشاش ئۇسۇلدا ئېلىپ بېرىلىشى مۇمكىن. بۇ مەلۇم دەرىجىدىن ئېيتقاندا غەرب دۆلەتلىرى ۋە دۇنيادىكى باشقا دۆلەتلەرنىڭ ئەندىشىسىنى تۈگىتىدۇ. پۇتىننىڭ زۇڭتۇڭلۇق ھوقۇقىنى قايتا قولغا ئېلىشى دېموكراتىيە ئىدىيەسىگە پۈتۈنلەي زىت، لېكىن «قايتا قوزغىتىش» مۇناسىۋىتىنىڭ ئاخىرلىشىشى ناتايىن. رۇسىيەدىكى نۇرغۇن ئامما ئۇنى قوللايدۇ، چۈنكى ئۇ مۇقىملىق ۋە ھازىرقى ھالەتنى ساقلاشقا ۋەكىللىك قىلىدۇ. ھازىر ئۈچۈن ئېيتقاندا، بۇ يەنىلا رۇسىيە بىلەن غەربنىڭ مۇناسىۋىتىگە پايدىلىق.