كوللېكتىپنىڭ كۈچلۈك ھەمكارلىقى بىلەن خان جەمەتى مادرېد كوماندىسى مېھمان مەيداندا 4-0 نەتىجە بىلەن رەقىبى ئىسپانىيە ئادىمى كوماندىسىنى يەڭدى. مورىنىئو مۇسابىقىدىن كېيىن خۇلاسە قىلىپ: « غەلبە قىلىش باشقا گەپ، پۈتۈن كوماندىنى زور دەرىجىدە ئىتتىپاقلاشتۇرۇپ، بىر يەرگە ئېلىپ كېلىش ئۇ باشقا بىر گەپ» دېدى. بىراق ئۇ يەنە تەكىتلەپ ، كوماندا ئەزالىرىنىڭ شەخسىي ئىپادىسىدىن مەن ھەقىقەتەن رازى بولدۇم، ھەمدە مېنىڭچە  ئىسپانىيە ئادىمى كوماندىسىمۇ ھەقىقەتەن ياخشى ئوينىدى دېدى. 

              بۇ ئايلانمىدىن كېيىن بارسىلونا بىر نومۇر ئۈستۈنلۈك بىلەن خان جەمەتى مادرېد كوماندىسىنىڭ ئالدىغا ئۆتۈپ، بىرلەشمىدە ئەڭ ئالدىدا تۇردى، بۇ مەسىلە توغرىسىدا سۆزلەشكەندە، مورىنىئو يەنىلا كىنايىلىك تەلەپپۇزدا سۆزلەشنى ئۇنۇتمىدى، ئۇ :«ئۇلار بىزدىن پەقەت بىر نومۇرلا ئالدىدا، 10 نومۇر ئەمەس، شۇڭلاشقا ئەنسىرەيدىغان ھىچقانداق ئىش يوق، ئەلۋەتتە، مەن خان جەمەتى مادرېدىنىڭ ئالدىغا ئۆتۈپ كېتىشىنى خالايمەن، بىراق 1 نومۇرلۇق پەرقنى تىلغا ئېلىشقا ئەرزىمەيدۇ. 

               مورىنىئو ئەڭ ئاخىرىدا خان جەمەتى مادرېد كوماندىسىنىڭ ناچار ئەھۋالدىن قايتا ئورنىدىن تۇرغانلىقىنى ماختاپ :« پۇتبول دېگەن پۇتبول، ھەر قانداق ئىش يۈز بېرىشى مۇمكىن، مۇھىمى سىتاند كوماندىسى بىلەن تەڭلىشىپ قالغاندىن كېيىن بىز ناھايىتى تېزلا ناچار ئەھۋالدىن ئۆزىمىزنى تۈزىۋالدۇق، بۇ جەھەتتە بىز بوناۋودىكى توپ مەستانىلىرىنىڭ قوللىغانلىقىغا رەھمەت ئېيتماي تۇرالمايمىز، شۇنىڭ بىلەن بىر ۋاقىتتا بۇ بارلىق كوماندا ئەزالىرىنىڭ ئورتاق تىرىشقانلىقىنىڭ نەتىجىسى.   بۇگۈنكى مۇسابىقە ئۈچۈن ئېيتقاندا، ئەڭ مۇھىمى بىزنىڭ 3 نومۇر ئالغانلىقىمىز ئەمەس بەلكى ئىگوائىننىڭ ئەسلى ھالىتىگە قايتىپ كەلگەنلىكى، ئۇ بۇ مەيداندا قالتىس چىرايلىق مۇسابىقە ئوينىدى» دېدى.