شاھلىق لوڭقىسىدا 5 - 1 غەلبە قىلغاندىن كېيىن خانلىق مادرىدنىڭ 2011 - يىلىدىكى بارلىق مۇسابىقىلىرى ئاياقلىشىپ قىشلىق دەم ئېلىشقا كىردى . بۇلارنىڭ ئىچىدە بىرازىلىيەلىك چولپان كاكامۇ بار ، ئۇ بۇ قېتىم دۆلىتىگە قايتىپ دەم ئېلىشنى باشلىۋەتتى ، شۇنىڭ بىلەن بىرگە ئۇ ئۆزىنىڭ مادرىدتىكى كەلگۈسىنىمۇ ئويلىنىشقا باشلىدى . كۈندىلىك پوچتا گىزىتىنىڭ ئاشكارلىشىچە كاكانىڭ كېيىنكى بېكىتى ئەنگىلىيەنىڭ لوندون بولۇپ قېلىش ئىھتىماللىقى بار ئىكەن .

 2009 - يىلى 56 مىلىيون فوندسترلىڭغا يۆتكىلىپ كەلگەندىن بۇيان ، كاكا مىلاندىكى ئىپادىسىنى تاپالمىدى ، ھازىر 29 ياشقا كىرگەن كاكا بۇ پەسىل 15 مەيدان مۇسابىقىنىڭ 9 مەيدانىدىلا ئاساسلىق ئەزا سۈپىتىدە مەيدانغا چىقالىدى ، ھەم ھەرقايسى مۇسابىقىلەردە بولۇپ ئاران 4 توپلا كىرگۈزدى . بارسا بىلەن بولغان مۇسابىقىدىمۇ 58 مىنۇت بولغاندا مەيدانغا چىقىش پۇرسىتىگە ئېرىشتى . ئۆزىل ۋە كالېھوننىڭ ئىپادىسىنىڭ ياخشى بولۇشىغا ئەگىشىپ كاكانىڭ مەيدانغا چىقىش پۇرسىتىمۇ بارغانسىرى ئازلاپ كەتمەكتە . خەۋەردە دىيىلىشىچە ، مادرىدنىڭ 30 مىلىيون فوندسترلىڭغا كاكانى قويىۋىتىش ئىھتىماللىقى يۇقىرى ئىكەن ، سېتىۋالىدىغان كۇلۇبلارنىڭ ھەممىسى لوندوندىن چىقىشى مۇمكىن ئىكەن .

  كۈندىلىك پوچتا گىزىتىنىڭ ئاشكارلىشىچە ، لوندوندىكى چېلسى ، ئارسىنال ۋە توتتىنھام كاكانى سېتىۋېلىشنى ئۈمۈد قىلىدىكەن . چېلسى بىلەن ئابلاموۋىچ ئۇزۇندىن بۇيان كاكاغا قىزىقىۋاتقانلارنىڭ بىرى ، ئەگەر مادرىد قوشۇلسا چېلسى شەرتسىز سېتىۋېلىشى مۇمكىن . ئارسىنال بولسا فابرىگاس بىلەن ناسرى كەتكەندىن كېيىن ئوتتۇرا مەيداندا تەجرىبىسى مول بىر چولپانغا مۇھتاج ، كاكا دەل ئارسىنال ئىزدەۋاتقان چولپاننىڭ ئۆزى شۇ . توتتىنھاممۇ كاكانى سېتىۋېلىش سىپىگە قوشۇلدى ، توتتىنھام كاكانى ئىجارە شەكلىدە كوماندىغا ئېلىپ كىلىشنى ئۈمۈد قىلغان .