[ئامېرىكا «ئاۋىياتسىيە ۋە ئالەم بوشلۇقى تېخنىكىسى» ھەپتىلىك ژۇرنىلى تور بېكىتىنىڭ 28-سېنتەبىر خەۋىرى] ئامېرىكا دېڭىز ئارمىيەسى دۆلەت مۇداپىئە مىنىستىرلىقىنىڭ ئالىي تەتقىقات تۈرلىرى ئىدارىسىنىڭ قۇياش ئېنېرگىيەسى بىلەن ھەرىكەتلىنىدىغان، «بۈركۈت»ناملىق چىداملىق ئۇچقۇچىسىز ئايروپىلانىغا بەك قىزىقىۋاتقان بولۇپ، ئۇلار ئۇنىڭ سۈنئىي ھەمراھ ئېتىپ چۈشۈرۈلگەن ئەھۋالدا، ئاۋىياماتكا جەڭگىۋار توپىنىڭ خەۋەرلىشىشىگە كاپالەتلىك قىلىشىنى ئۈمىد قىلىدۇ.
     «تاز قارا» تۈرى گۇرۇپپىسى ھاۋا بوشلۇقىدا بەش يىلغىچە تۇرالايدىغان ئۇچقۇچىسىز ئايروپىلان ياسىماقچى بولۇۋاتىدۇ. «بوئېئىڭ» شىركىتى ئۇدا 30 كۈن ئۈلگە كۆرسىتىپ ئۇچالايدىغان ئايروپىلان لايىھەلەۋاتقان بولۇپ، ئۇنى 2014-يىلىنىڭ 1-پەسىلىدە سىناق تەرىقىسىدە ئۇچۇرماقچى بولۇۋاتىدۇ.
   «تاز قارا» ناملىق ئۇچقۇچىسىز ئايروپىلان كۈندۈزى قانىتىدىكى قۇياش ئېنېرگىيە تاختىسى ئارقىلىق ئېنېرگىيە توپلاپ، ئۇنى يېقىلغۇ باتارىيەسىگە قاچىلىغاندىن كېيىن، كەچتە  ئېلېكتىرونلۇق ئىتتىرىش سىستېمىسىنى ئېنېرگىيە بىلەن تەمىنلەيدۇ.
    بۇ ئايروپىلاننىڭ دەسلەپكى لايىھەسى بۇ يىلنىڭ ئاخىرىدا تەكشۈرۈپ باھالانماقچى بولۇپ، كېيىن 2012-يىلىنىڭ باشلىرىغا كېچىكتۈرۈلدى. كالىفورنىيە ئىشتاتى دۆلەت ئاۋىياتسىيە ئالەم قاتنىشى ئىدارىسى لانلېي تەتقىقات مەركىزىدىكى نىكېرس: «دەسلەپكى لايىھەنى تەكشۈرۈپ باھالاشنى تاماملاش ئاددىي ئىش ئەمەس. تېخى بۇ باسقۇچقا كەلمىگەن بولساقمۇ، بۇ باسقۇچنى تاماملىيالايمىز»، دېدى.
     ئەڭ ئاچقۇچلۇق لايىھەنى تەكشۈرۈپ باھالاش 2012-يىلى 4-پەسىلدە ئېلىپ بېرىلىدۇ.
    ئۈلگە كۆرسىتىدىغان ئايروپىلان يېڭى مېكسىكا ئىشتاتى ئۇنىۋېرسىتېتىدا سىناق قىلىنىدۇ. نىكېرس: 30 كۈن ئۇچۇرۇش مەزگىلىدە چاتاق چىقسا، بۇ ئۇچقۇچىسىز ئايروپىلان شۇ ئەتراپتىكى كونترول قىلىنىدىغان باشقۇرۇلىدىغان بومبىنى قارىغا ئېتىش مەيدانى ھاۋا بوشلۇقىغا يۆتكىلىدۇ ياكى مېكسىكا قولتۇقى ھاۋا بوشلۇقى ئارقىلىق يەرگە قوندۇرۇلىدۇ، دېدى.