خۈيفىڭ ئاسىيا ئىقتىسادىنىڭ كەلگۈسىگە نەزەر ئاخبارات يىغىنىدا، خۈيفىڭنىڭ جۇڭگو رايونىدىكى باش ئىقتىسادشۇناسى چۇ خۇڭبىن مۇنداق كۆرسەتكەن، 2011-يىلى جۇڭگو ئۈچۈن ئېيتقاندا تارايتىش يىلى بولغان، 2012-يىلى بولسا پۇل سىياسىتىنى كېڭەيتىش يىلى بولۇپ قالغۇسى.

چۇ خۇڭبىن تەپسىلىي چۈشەندۈرۈپ مۇنداق دېگەن، ئاساسلىق مىقدار تىپىدىكى قوراللار ئاساس، باھا قوراللىرى قۇشۇمچە بولۇپ، بۇ يىلنىڭ ئالدىنقى يېرىمىدا مۆلچەردە ئاز دېگەندىمۇ 3 قېتىم ئامانەت تەييارلىق پۇلى نىسبىتى تۆۋەنلەيدۇ. يىلنىڭ ئوتتۇرىغا كەلگەندە CPI %3 تۆۋەنلەيدۇ، ھەتتا ئۇنىڭدىنمۇ تۆۋەن بولغان ۋاقىتتا، بەلكىم بىر قېتىمدا 25 نۇقتا ئۆسۈم تۆۋەنلىتىش سىياسەت تەدبىرى ئوتتۇرىغا چىقىشى مۇمكىن. يېڭىدىن كۆپىيىدىغان قەرزنى مۆلچەرلىگەندە، بۇ يىلى يېڭىدىن كۆپىيىدىغان قەرز سوممىسى ئۆتكەن يىلقى 7 تىرىليون 500 مىليارد يۈەندىن كۆپىيىپ 8 تىرىليون يۈەندىن 8 تىرىليون 500 مىليارد يۈەنگىچە بولىدۇ، بۇ ئېنىقلا پۇلنىڭ كېڭىيىش يۆنىلىشىگە قاراپ ماڭغانلىقىنى بىلدۈرىدۇ.

شۇنىڭ بىلەن تەڭ، ئۇ يەنە پەقەت پۇل سىياسىتىلا كېڭىيىشكە قاراپ ماڭماستىن، مالىيە سىياسىتىمۇ تېخىمۇ ئاكتىپلىشىپ بارىدۇ دەپ بىلدۈرگەن. چۇ خۇڭبىن مالىيە سىياسىتى جەھەتتە، باجنى كېمەيتىش جەھەتتە قەدەممۇ-قەدەم چوڭىيىپ بارىدىغانلىقىنى كۈتىدىغانلىقىنى تەكىتلىگەن. يەنە چىقىمنىڭ كۆپىيىشى جەھەتتە، كاپالەت ئۆيگە نىسبەتەن مالىيە سېلىنمىسىنىڭ تېخىمۇ ئارتىپ بارىدىغانلىقى، خەلق تۇرمۇشىغا ئائىت ساھەلەردىكى ئىستېمال ياردىمىنىڭمۇ ئېشىپ بارىدىغانلىقىنى كۆرسەتكەن.

ئۇنىڭ قارىشىچە، سىياسەت جەھەتتە بىر قەدەر چوڭ ئۆزگىرىش يۈز بېرىدىغانلىقىنىڭ ئاساسلىق سەۋەبى بولسا ۋەزىيەتنىڭ ئېھتىياجىدىن ئىبارەت بولۇپ، دۆلەت ئىچكى ئىقتىسادى ۋەزىيىتىدە بىر قەدەر چوڭ ئۆزگىرىش يۈز بەرگەن. ئۆتكەن يىلىدا پۇل پاخاللىقى ئاساسلىق خەتەر بولۇپ قالغان، لېكىن ھۆكۈمەت تارىختىن بۇيانقى ئەڭ قاتتىق مىقدارلىق تارايتىش پۇل سىياسىتى ۋە مۇناسىپ تەڭشەش سىياسەتلىرى شۇنداقلا مەمۇرىي تەدبىرلەرنى قوللانغانلىقى ئۈچۈن، M1 ۋە M2 نى ئۆز ئىچىگە ئالغان كۆرسەتكۈچىلەر نورمال سەۋىيىگە چۈشكەن.

شۇنىڭ بىلەن بىر ۋاقىتتا، خۈيفىڭنىڭ مۆلچەرلىشىچە، بۇ يىلى بىرىنچى پەسىلدىكى GDPنىڭ ئېشىش سۈرئىتى بەلكىم تۆۋەنلەپ %8 ئەتراپىدا بولۇشى مۇمكىن، شۇنىڭ ئۈچۈن ماكرولۇق سىياسەتتە دەرھال تەڭشەش ئېلىپ بېرىپ، بۇنداق ئىقتىسادنىڭ ئېشىش سۈرئىتىنىڭ تېز سۈرئەتتە ئاستىلاپ كېتىش خەتىرىدىن ساقلىنىش كېرەك. پۈتۈن بىر يىلغا نىسبەتەن ئېلىپ ئېيتقاندا، ئىقتىسادنىڭ ئېشىش سۈرئىتىنىڭ %8.5 ئەتراپىدا ساقلىنىشىنىڭ مۇمكىنچىلىكى زور ياكى بۇ بىر چوڭ ئېھتىماللىق، ئەلۋەتتە بۇ سىياسىي تەڭشەشنىڭ دەل ۋاقتىدا بولۇش-بولماسلىقى، مۇۋاپىق بولۇش-بولماسلىقى تەرىپىدىن بەلگىلىنىدۇ.

بىراق، خەلق پۇلى قىممىتىنىڭ ئۆسۈشى جەھەتتە، خۈيفىنىڭ چۈشەندۈرۈشىدە ئازراق ئوخشىماسلىقلار بار. چۇ خۇڭبىن چۈشەندۈرۈپ مۇنداق دېگەن، يۇقىرىقى چوڭ ئارقا كۆرۈنۈشلەر ئاستىدا، خەلق پۇلىغا قارىتا، 2005-يىلدىن بۇيانقى خەلق پۇلىنىڭ يەككە تەرەپلىك قىممەت ئۆسۈشى ئاللىقاچان ئاخىرلاشقان. بۇ يىلىدىن باشلاپ، خەلق پۇلى ئىككى يۆنىلىشلىك تەۋرىنىش دەۋرىگە قەدەم قويىدۇ. خەلق پۇلى قىممىتىنىڭ داۋاملىق ئۆسۈشى، ياكى داۋاملىق چۈشۈشىنىڭ ھاجىتى يوق، ئۇ نىسپىي مۇقىملىقنى ساقلايدۇ، لېكىن مۇقىم بولغان ئارىلىقتا، تېخىمۇ كۆپ بولغان ئېلاستىكلىقلار كۆرۈلىدۇ.