چەتئەل ئاخبارات ۋاستىلىرىنىڭ خەۋەر قىلىشىچە،ياخۇ شىركىتىنىڭ يىڭىدىن ۋەزىپىگە ئولتۇرغان باش ئىجرائىيە ئەمەلدارى Scott Thompson يىقىندا تەننەرخنى تۆۋەنلىتىش پىلانىنى ئوتتۇرىغا چىقىرىدىغان بولۇپ،بۇ پىلاننىڭ ئىچىدىكى بىر تۈر خادىم قىسقارتىش ئىكەن.خەۋەر بەرگۈچىنىڭ دېيىشىچە،Scott نىڭ بۇ خادىم قىسقارتىش پىلانى شىركەتنىڭ بارلىق كەسىپلىرىگە چېتىلىدىكەن.
شىركەتنىڭ ئىچكى قىسمىدىكى بىر خەۋەر بەرگۈچى مۇنداق دەيدۇ:
«بۇ قېتىمقى خادىم قىسقارتىش قانداقتۇر مەلۇم بىر تارماق ياكى كەسىپكە قارىتىلمىغان،بەلكى ھەربىر كەسپى تارماق ياكى بۆلۈم مۇقەررەر ھالدا خادىم قىسقارتىشقا مەجبۇر بولىدۇ.»
بىراق،ياخۇ شىركىتىنىڭ بۇنداق ئاۋۋال خادىم قىسقارتىپ،ئاندىن تەكشۈرۈش ئىلىپ بىرىش تەدبىرى كىشىلەرنى قايمۇقتۇرۇپ قويغان،بۇنىڭ سەۋەبى مۇنداق ئىككى خىل ئىكەن:
بىرى،Scott ۋەزىپىگە ئولتۇرغاندىن كىيىن،شىركەتنىڭ يۇقىرى دەرىجىلىك ئەمەلدارلىرى بىلەن تىخى يىتەرلىك ھالدا پىكىر ئالماشتۇرمىغان،پەقەت 20گە يىقىن خىزمەتچى بىلەنلا يۈز كۆرۈشكەن ئىكەن؛يەنە بىرى،خادىم قىسقارتىش پىلانىنىڭ مەقسىتى پەقەت پايدا نېسبىتىنى يۇقىرى كۆتۈرۈش ئۈچۈن ئىكەن،بىراق ۋال كوچىسى بۇنىڭغا تازا كۆڭۈل بۆلمەيدىكەن،ئۇلارنىڭ كۆڭۈل بۆلىدىغىنى ياخۇنىڭ تېجارەت كىرىمىنىڭ ھەقىقى يۇقىرى كۆتۈرۈلىشى ئىكەن.
ئاشكارىلىنىشىچە،ياخۇنىڭ بۇ يىڭىدىن يولغا قويماقچى بولغان خادىم قىسقارتىش پىلانى دەسلەپتە تار دائىرىدە ئىجرا قىلىنىپ،بارا-بارا كۆلىمى كىڭەيتىلىدىكەن،خادىم قىسقارتىش قېتىم سانىمۇ كۆپ بولىدىكەن.
نۆۋەتتە،ياخۇ شىركىتى تەرەپ بۇ خەۋەرگە نىسبەتەن ھىچقانداق پىكىر بايان قىلمىغان.
