ئاۋىستىرالىيە زۇڭلىسى ئاھالىلەر تەرىپىدىن قورشىۋېلىندى .
1 - ئاينىڭ 26 - كۈنى ، ئاۋىستىرالىيە زۇڭلىسى جېراد كانبېررادىكى بىر رېستوراندا دۆلەت بايرىمى مۇكاپاتلاش مۇراسىمىغا قاتناشقاندىن كېيىن ، ئەسلدىكى ئاھالىلەر ھوقۇقىنى قولغا كەلتۈرمەكچى بولغان نامايىشچىلار ئاممىسى تەرىپىدىن قورشىۋېلىنغان ، ئۇ يىقىلىپ كەتكىلى تاسلا قالغان ، ھېلىمۇ ياخشى بىر ئامانلىق قوغدىغۇچى ئۇنى تۇتۇۋالغان ، ئاندىن توپىلاڭنى باستۇرۇش ساقچىلىرى ئۇنى قوغداپ مەيداندىن ئايرىلغان .
ئىش يۈز بەرگەندە ، جېراد ئۆكتىچىلەر پارتىيىسى رەھبىرى ئابوت بىلەن رېستوراندا مۇكاپاتلاش مۇراسىمىغا قاتنىشىۋاتقان بولۇپ ، ئويلىمىغان يەردىن 200 دىن ئارتۇق نامايىشچىلار رېستوراننى قورشىۋالغان ، ھەم توختىماي رېستوراننىڭ دەرىزىسىنى ئۇرغان . جېراد ۋە ئابوت يېرىم سائەتتىن ئارتۇق قورشېۋېلىنغاندىن كېيىن ، ساقچىلار ئەھۋالنىڭ جىددىيلىقنى كۆرۈپ ، توپىلاڭنى باستۇرۇش ساقچىسىنى چاقىرغان ، زورلۇق بىلەن نامايىشچىلار قورشاۋىدىن بىر يول ئېچىپ ، قاتتىق جىددىيلەشكەن جېراد بىلەن ئابوتنى مەيداندىن ئايرىغان . قېچىش جەريانىدا ، جېراد يېقىلىپ چۈشكىلى ئازلا قېلىپ ، بىر پاي ئايىغى چۈشۈپ قالغان .
بۇ نامايىشچى ئونسۇرلار رېستوران ئەتراپىدا ئاتالمىش « ئەسلىدىكى ئاھالىلەر چېدىرئەلچىخانىسى » دەپ نامايىش قىلىپ ، ئەسلىدىكى ئاھالىلەر ھوقۇقىنى قولغا كەلتۈرمەكچى بولغان . شۇنىڭ بىلەن 1 - ئاينىڭ 26 - كۈنى ئاۋىستىرالىيە دۆلەت بايرىمى كۈندە نامايىش قىلىپ بۇ يەرگەن يىغىلغان .
ئاۋىستىرالىيە دۆلىتى قۇرۇلغاندىن كېيىن ، بىرىنچى تۈركۈم ئەنگىلىيە كۆچمەنلىرى ھۆكۈمرانلىرىنى 1788 يىلى 1 - ئاينىڭ 26 - كۈنى پاراخوتقا چىقىرىپ سىدنىيىغا كەلگەن كۈننى دۆلەت بايرىمى كۈنى قىلىپ بېكىتكەن . لېكىن ئەسلىدىكى ئاھالىلەر بۇ كۈنى تاجاۋۇز قىلىش كۈنى دەپ قارىغان ، چۈنكى مۇستەملىكە ھۆكۈمرانلار ئەسلىدىكى ئاھالىلەر بىلەن ھېچقانداق كېلىشىم تۈزمىگەن ئەھۋال ئاستىدا ئۇلارنىڭ زىمىنىنى ئىگىلىۋالغان .
جېراد ساقچىلار تەرىپىدىن قوغدىلىپ نەق مەيداندىن قاچماقتا .
گەرچە قېچىش جەريانىدا شۇنداق قىيىن ئەھۋالىدا قالسىمۇ ، جېراد يارلانمىغان . ئۇ كېيىن ، ئۆزىنىڭ ئاسانلىقچە قورقۇپ كەيمايدىغانلىقى ۋە ساقچىلارنىڭ قوغداش ماھارىتىنى ماختىغانلىقىنى بىلدۈردى .
